Dunyo aholisi sonining o‘sishi asosan shaharlar kengayishi hisobiga yuz bermoqda, shu bois suv bilan bog‘liq muammolar va ularning yechimlari ham asosan shaharlarga daxldordir. Agar yaqin o‘n yil ichida suv resurslarini boshqarish va tartibga solish jarayonlari tubdan yaxshilanmasa, shaharlar jiddiy va uzoq davom etuvchi suv taqchilligi, shahar hududlaridagi suv toshqinlari va/yoki jazirama ta’siriga (issiqlik stressiga) duch kelishi mumkin; bu esa ijtimoiy beqarorlikka va pirovardida keng ko‘lamli migratsiyaga olib kelishi ehtimoldan xoli emas. Shaharlardagi eng qimmat infratuzilma ob’ektlaridan biri bo‘lgan eskirgan suv ta’minoti tizimlarini yangilash — Barqaror rivojlanish maqsadlari (BRM) doirasidagi 6-maqsad (toza suv va sanitariya), 11-maqsad (barqaror shaharlar va aholi punktlari) hamda 13-maqsad (iqlim o‘zgarishiga qarshi kurash)ga erishish yo‘lidagi muhim vazifalardan biridir.